Məhkəmə və hüquq mühafizə orqanları işçilərinin icbari şəxsi sığortası şərtləri “Məhkəmə və hüquq mühafizə orqanları işçilərinin dövlət icbari şəxsi sığortası haqqında” Azərbaycan Respublikasının 5 oktyabr 1999-cu il tarixli 705-IQ nömrəli Qanunu ilə tənzimlənir. Bu Qanunun məqsədləri üçün məhkəmə və hüquq mühafizə orqanları işçilərinə (sığortaolunanlara) bütün məhkəmə hakimləri, prokurorlar, müstəntiqlər, ədliyyə, miqrasiya orqanlarında qulluq keçən şəxslər, təhqiqat aparan şəxslər, əməliyyat-axtarış fəaliyyətini həyata keçirən şəxslər, fövqəladə halların nəticələrinin aradan qaldırılmasını, ictimai qaydanın mühafizəsini və milli təhlükəsizliyi təmin edən, gömrük işini həyata keçirən müvafiq icra hakimiyyəti orqanlarının əməkdaşları aid edilirlər.

Sığortalı qurumlar:

1. Daxili İşlər Nazirliyi;
2. Ədliyyə Nazirliyi;
3. Fövqəladə Hallar Nazirliyi (Dövlət Yanğından Mühafizə Xidməti);
4. Dövlət Miqrasiya Xidməti;
5. Dövlət Gömrük Komitəsi;
6. Təhlükəsizlik Şurası;
7. Məhkəmə-Hüquq Şurası;
8. Baş Prokurorluq
9. Hərbi Prokurorluq (prokurorluq işçiləri);
10. Məhkəmələr (Konstitusiya Məhkəməsi, Ali Məhkəmə, apellyasiya məhkəmələri, şəhər və rayon məhkəmələri, iqtisad məhkəmələri, inzibati məhkəmələr, hərbi məhkəmələr, ağır cinayətlərə dair işlər üzrə məhkəmələr).

Qanuna uyğun olaraq hər bir məhkəmə və hüquq mühafizə orqanları işçisi onların 5 illik əmək haqqı məbləğində sığorta edilir. 

Sığortaolunan xidmət vəzifələrinin icrası zamanı həlak olduqda (vəfat etdikdə) - sığorta məbləğinin 100 faizi;

orqanizmin funksiyalarının 81-100 faiz pozulmasına görə - 80%;

orqanizmin funksiyalarının 61-80 faiz pozulmasına görə - 60%;

orqanizmin funksiyalarının 31-60 faiz pozulmasına görə - 40%;

-ağır xəsarət (yaralanma, travma, kontuziya) aldıqda — sığorta məbləğinin 20 faizi;
-az ağır xəsarət (yaralanma, travma, kontuziya) aldıqda — sığorta məbləğinin 15 faizi;
-yüngül xəsarət (yaralanma, travma, kontuziya) aldıqda—sığorta məbləğinin 10 faizi.