Hərbi qulluqçuların dövlət icbari şəxsi sığortası şərtləri “Hərbi qulluqçuların dövlət icbari şəxsi sığortası haqqında” Azərbaycan Respublikasının 20.05.1997-ci il tarixli 296 İQ nömrəli Qanunu ilə tənzimlənir.

Bu Qanuna əsasən, sığortaolunanlara barəsində sığorta fəaliyyəti həyata keçirilən Azərbaycan Respublikası Silahlı Qüvvələrində, dövlət təhlükəsizliyi, xarici kəşfiyyat orqanlarında, kəşfiyyat və əks-kəşfiyyat fəaliyyəti subyektlərində, habelə hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda) hərbi xidmətdə olan şəxslər və toplanışlarda olan hərbi vəzifəlilər aid edilirlər.

Sığortalı qurumlar:

• Müdafiə Nazirliyi;
• Daxili İşlər Nazirliyi (Daxili Qoşunları);
• Ədliyyə Nazirliyi (Penitensiar Xidmət);
• Fövqəladə Hallar Nazirliyi;
• Prezidentin Təhlükəsizliyi Xidməti;
• Dövlət Sərhəd Xidməti;
• Səfərbərlik və Hərbi Xidmətə Çağırış üzrə Dövlət Xidməti;
• Dövlət Təhlükəsizliyi Xidməti;
• Xarici Kəşfiyyat Xidməti;
• Xüsusi Rabitə və İnformasiya Təhlükəsizliyi Dövlət Xidməti;
• Strateji Obyektlərin Mühafizəsi Dövlət Agentliyi;
• Hərbi Prokurorluq (hərbi qulluqçular.

Hərbi qulluqçu (sığortaolunan)  on bir min (11000) manat məbləğində sığorta edilir.

Sığortaolunan həqiqi hərbi xidmətdə (toplanışda) olduğu zaman həlak olduqda sığorta məbləğinin 100 faizi (11000 manat);

orqanizmin funksiyalarının 81-100 faiz pozulmasına görə - 80%;

orqanizmin funksiyalarının 61-80 faiz pozulmasına görə - 60%;

orqanizmin funksiyalarının 31-60 faiz pozulmasına görə - 40%;

ağır xəsarət (yaralanma, travma, kontuziya) aldıqda — sığorta məbləğinin 25 faizi (2750 manat);

az ağır xəsarət (yaralanma, travma, kontuziya) — sığorta məbləğinin 15 faizi (1650 manat);

yüngül xəsarət (yaralanma, travma, kontuziya) aldıqda — sığorta məbləğinin  5 faizi (550 manat).