Diplomatik nümayəndə işçilərinin dövlət icbari şəxsi sığortası şərtləri “Azərbaycan Respublikasının diplomatik nümayəndəliklərində və konsulluqlarında xidmət keçən diplomatik xidmət əməkdaşlarının və inzibati-texniki xidməti həyata keçirən şəxslərin dövlət icbari şəxsi sığortası haqqında” Azərbaycan Respublikasının 18 may 2004-cü il tarixli 651-llQ nömrəli Qanunu ilə tənzimlənir.
Bu Qanuna əsasən, sığortaolunanlara barəsində sığorta fəaliyyəti həyata keçirilən Azərbaycan Respublikasının diplomatik nümayəndəliklərində və konsulluqlarında xidmət keçən diplomatik xidmət əməkdaşlarının və inzibati-texniki xidməti həyata keçirən şəxslər aid edilirlər.
Sığortalı qurumlar:
Azərbaycan Respublikasının diplomatik nümayəndəliyinin başçısı on bir min manat, digər diplomatik vəzifə tutan şəxslər altı min altı yüz manat, inzibati-texniki xidməti həyata keçirən şəxslər isə dörd min dörd yüz manat həcmində sığorta edilirlər.
həlak olması (vəfat etməsi) - 100 faiz;
orqanizmin funksiyalarının 81-100 faiz pozulmasına görə - 80%;
orqanizmin funksiyalarının 61-80 faiz pozulmasına görə - 60%;
orqanizmin funksiyalarının 31-60 faiz pozulmasına görə - 40%;
ağır xəsarət alması — 20 faiz;
az ağır xəsarət alması — 15 faiz;
yüngül xəsarət alması — 10 faiz.
Tələb olunan sənədlər:
1. Ərizə;
2. Şəxsiyyət vəsiqəsinin surəti (ərizə nümayəndə vasitəsilə təqdim edildikdə isə onun şəxsiyyət vəsiqəsi və səlahiyyətlərini təsdiq edən sənəd);
3. Əlilliyin müəyyən edilməsinə dair tibbi-sosial ekspertiza müayinəsinin nəticəsindən çıxarış.
