Hər bir sığortaolunan Dövlət Sosial Müdafiə Fondunda özü barəsində olan məlumatları əldə edə bilər. Sığortaolunan fərdi şəxsi hesabında əks olunan məlumatlarla razı olmadıqda həmin məlumatların dəqiqləşdirilməsi barədə Dövlət Sosial Müdafiə Fonduna, "Dövlət sosial sığorta sistemində fərdi uçot haqqında" Azərbaycan Respublikasının Qanununun 5.2.11-ci və 5.2.12-ci maddələrində nəzərdə tutulmuş məlumatlara münasibətdə isə Azərbaycan Respublikası İqtisadiyyat Nazirliyinin yanında Dövlət Vergi Xidmətinə və ya sığortaedənə müraciət edə bilər.

Sığortaolunanlar fərdi şəxsi hesablarında əks olunmuş məlumatlarını e-sosial internet portalından izləyə, pensiya kapitalı, məcburi dövlət sosial sığortasına cəlb olunan gəlirləri, həmçinin hesablanmış və ödənilmiş məcburi dövlət sosial sığorta haqları haqqında məlumatları əldə edə bilərlər.