- Sosial yardım almaq hüququna baxılması zamanı ailənin tərkibi, əmlakı və gəliri haqqında məlumat verilmədiyi və yaxud tam və ya düzgün olmayan məlumat verildiyi aşkar olunduqda, ÜDSY-nin verilməsi həmin gündən dayandırılır və həmin ailə 1 il müddətinə sosial yardım almaq hüququnu itirir.
- Vətəndaşlar tərəfindən ərizə-bəyannamə doldurulan zaman ailə tərkibinin düzgün göstərilməsi, faktiki yaşadığı ünvanın düzgün göstərilməsi, ailənin bütün növ gəlirləri və əmlakının dəqiq bəyan edilməsi, torpaq pay mülkiyyəti olduqda, bu barədə mütləq şəkildə məlumat verilməsi və sığortaedənin uçot nömrəsinin (SUN) göstərilməsi, mənzilə aid qaz, işıq, su, stasionar və mobil telefondan istifadəyə görə xərclərin dəqiq bəyan edilməsinə diqqət etməlidir.
Sadə nəzəri məlumat
Aztəminatlı ailələrin sosial təminatının yaxşılaşdırılması üçün dövlət tərəfindən ünvanlı dövlət sosial yardımı verilir. Bu yardım orta aylıq gəliri onlardan asılı olmayan səbəblərdən hər bir ailə üzvü üçün ehtiyac meyarının məcmusundan aşağı olan aztəminatlı ailələrə təyin edilir.
Burada ehtiyac meyarı dedikdə ünvanlı dövlət sosial yardımının təyin edilməsi məqsədilə dövlət büdcəsi ilə birgə hər il üçün təsdiq olunan hədd başa düşülür.
Qohumluq və ya qanunvericiliklə müəyyən olunmuş digər xüsusiyyətlərə görə bağlılığı olan, birgə yaşayan, ümumi ev təsərrüfatına malik şəxslər və yaxud tənha yaşayan şəxslər ünvanlı dövlət sosial yardımı məqsədləri üçün ailə kimi qəbul edilir.
Sosial yardımın əsas prinsipləri aşağıdakılardır:
- ünvanlılıq;
- ədalətlilik;
- bərabərlik.
Ailə üzvlərinin bütün növ gəlirləri, o cümlədən ailə üzvlərinə bağışlanmış hədiyyələr, mülkiyyətdən, ailə üzvlərinə məxsus əmlakdan, şəxsi yardımçı təsərrüfatdan əldə olunan və yaxud əldə oluna biləcək pul və natural formada gəlirlərinin toplusu sosial yardım hesablanarkən ailə gəlirləri kimi nəzərə alınır.
Statistik məlumatlar
[chartId350,chartId306,chartId338]
*Ünvanlı dövlət sosial yardımına müraciət et:
VEMTAS