• advanced search Ətraflı axtarış

    Tarix aralığına görə axtar

    Kateqoriyaya görə axtar

Sertifikat və Mükafatlar
Pensiya
Müavinət
Təqaüd
ÜDSY
Sığorta
Əlilliyə görə müavinət
Əlilliyi olub, lakin əmək pensiyası hüququ olmayan şəxslərə onların əlilliyinə görə dövlət tərəfindən sosial yardım göstərilməsi məqsədilə aylıq müavinət verilir. Bu müavinət əlilliyin səbəbləri və orqanizmin funksiyalarının itirilməsinin faiz dərəcələrinə uyğun olaraq təyin olunur. Əlilliyin səbəbləri ümumi, xüsusi (müharibə ilə əlaqədar) ola bilər. Bu səbəblərdən asılı olmayaraq müavinətin məbləği aşağıdakı kimi dəyişir:
  • Orqanizmin funksiyalarının 81-100 faiz pozulmasına görə - 300 manat;
  • Orqanizmin funksiyalarının 61-80 faiz pozulmasına görə - 250 manat;
  • Orqanizmin funksiyalarının 31-60 faiz pozulmasına görə - 180 manat.

Müavinət proaktiv qaydada əlillik müddətinə təyin olunur, plastik bank kartları vasitəsilə yalnız nağdsız qaydada ödənilir. Aşağıdakı hallardan biri baş verdikdə müavinətin ödənişi dayandırılır:

  • müavinəti alan şəxs vəfat etdikdə (qanunvericiliklə müəyyən olunmuş qaydada itkin düşmüş və ya ölmüş elan edildikdə);
  • müavinəti alan şəxs əmək pensiyası hüququ qazandıqda;
  • müavinəti alan şəxsin əlilliyi etibarsız hesab edildikdə;
  • müavinəti alan şəxsin əlilliyinin müddəti bitdikdə.

Sosial xidmət müəssisələrində yaşayan əlilliliyi olan şəxslərə təyin olunmuş müavinət onlara tam məbləğdə ödənilir. Əlilliyi olan şəxs məhkəmə tərəfindən fəaliyyət qabiliyyəti olmayan hesab edilmiş, özünün əsas həyati tələbatını müstəqil təmin edə bilməyən çətin həyat şəraitində olan olarsa, ona təyin edilmiş müavinət onun qəyyumlarına və ya himayəçilərinə ödənilir.

Müraciətə baxış
Statistik məlumatlar

[chartId333,chartId70]

Bunları bilmək faydalıdır!

Əlillik - müxtəlif maneələrlə qarşılaşdığı zaman şəxsin digər şəxslərlə bərabər səviyyədə cəmiyyət həyatında tam və səmərəli iştirakına mane olan sabit fiziki, psixi, əqli və ya hissiyyat pozuntularının olması.

Əlillik şəxsin tibbi-sosial ekspertiza müayinəsindən keçirilərək, anadangəlmə, xəstəlikdən və ya xəsarətdən yaranan əqli və ya fiziki qüsurlar nəticəsində həyat fəaliyyətinin məhdudlaşması haqqında müvafiq qərar çıxarılması yolu ilə müəyyən olunur.

Əlilliyi qiymətləndirmək məqsədilə tibbi-sosial ekspertiza Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin tibbi-sosial ekspert komissiyaları tərəfindən həyata keçirilir.

Orqanizmin funksiyalarının 81-100 faiz pozulmasına görə əlilliyi müəyyən edilmiş şəxslərə və ya əlilliyi olan uşaqlara qulluq edən şəxslərin sosial müdafiəsinin gücləndirilməsi məqsədilə 120 manat məbləğində Azərbaycan Respublikası Prezidentinin təqaüdü verilir.