Dövlət qulluqçusu qanunla müəyyən edilmiş qaydada dövlət büdcəsindən maliyyələşən maaşlı dövlət qulluğu vəzifəsini tutan və inzibati vəzifə üzrə dövlət qulluğuna qəbul edilərkən Azərbaycan Respublikasına sadiq olacağına and içən Azərbaycan Respublikasının vətəndaşıdır.
Əmək pensiyası yaşa, əlilliyə və ailə başçısını itirməyə görə verilir.
Müavinət təyinatından imtina edilməsi barədə qərardan inzibati qaydada və məhkəmə qaydasında şikayət verilə bilər.
Sosial xidmət müəssisələrində yaşayan məhkəmə tərəfindən fəaliyyət qabiliyyəti olmayan hesab edilmiş, özünün əsas həyati tələbatını müstəqil təmin edə bilməyən çətin həyat şəraitində olan şəxslərə təyin edilmiş müavinət onların qəyyumlarına və ya himayəçilərinə ödənilir.
Müavinətin ödənişinin dayandırılmasına səbəb olan hallar baş verdikdə müavinət alan və ya onun ailə üzvləri bu barədə Dövlət Sosial Müdafiə Fonduna 5 gün müddətində məlumat verməyə borcludur. Məlumat verilmədikdə artıq müavinət ödənildiyi hallarda müavinət alan artıq ödənilmiş müavinəti qaytarmalıdır.