• vəfat etmiş şəxsin 18 yaşına çatanadək uşaqlarına. Uşaq əyani təhsil aldıqda təhsilini bitirənədək, lakin 23 yaşdan çox olmamaqla;
• vəfat etmiş şəxsin 18 yaşına çatanadək əlilliyi müəyyən olunmuş 18 yaşından yuxarı əlilliyi olan uşaqlarına – əlillik müddətinə;
• vəfat etmiş şəxsin 8 yaşınadək övladlarına baxan və yaşından və əmək qabiliyyətindən asılı olmayaraq işləməyən valideynlərdən, qardaş, bacı, baba və nənələrdən birinə – uşağın 8 yaşınadək.

Müavinət plastik bank kartları vasitəsilə yalnız nağdsız qaydada ödənilir. Lakin aşağıdakı hallardan biri baş verdikdə müavinətin ödənişi dayandırılır:

• müavinəti alan vəfat etdikdə, qanunvericiliklə müəyyən olunmuş qaydada itkin düşmüş və ya ölmüş elan edildikdə;
• qulluq edən şəxslərə münasibətdə uşağın 8 yaşı tamam olduqda;
• uşaqlara münasibətdə uşağın 18 yaşı tamam olduqda, əyanı təhsil alan uşaq isə təhsili başa vurduqda, lakin 23 yaşdan çox olmamaqla;
• vəfat etmiş şəxsin 18 yaşına çatanadək əlilliyi müəyyən olunmuş 18 yaşından yuxarı əlilliyi olan övladının əlillik müddəti bitdikdə.