Dövlət Sosial Müdafiə Fondu şəhid ailələrinin, Vətən müharibəsi iştirakçılarının, eləcə də ünvanlı sosial yardım alan aztəminatlı ailələrin övladlarının asudə vaxtını maraqlı keçirməsi məqsədilə "CineMastercard" kinoteatrlar şəbəkəsinin "CinemaPlus Ganjlik Mall" kinoteatrında cizgi filmlərinin nümayişini təşkil edib.
7-10 yaşlı tədbir iştirakçıları əvvəlcə "Etiler Meat House" restoranında nahar ediblər.
Daha sonra balaca tamaşacılar nümayiş etdirilən cizgi filmlərini izləyiblər.Tədbirdə 60-dan çox uşaq iştirak edib.
Vətən müharibəsinin dördüncü ildönümünə həsr olunmuş tədbirlər çərçivəsində reallaşdırılan bu təşəbbüs uşaqlara maraqlı, əyləncəli anlar yaşadıb, onların təxəyyülünün inkişafı, sosiallaşması və dostluq əlaqələrinin gücləndirilməsi məqsədi daşıyıb.
