Sığortaolunanın fərdi şəxsi hesabı əmək pensiyası təminatı və digər sosial müdafiə hüquqlarının təmin edilməsi üçün staj, məcburi dövlət sosial sığorta haqlarının hesablandığı, ödənildiyi əməkhaqqı və digər gəlirlər, məcburi dövlət sosial sığorta haqqı barədə məlumatların qeyd olunduğu dəyişməz sosial nömrə ilə açılmış hesabdır.

Sığortaolunanın fərdi şəxsi hesabı iki hissədən ibarətdir. fərdi şəxsi hesabın yığım hissəsi və sığorta hissəsi. Ödənilən ödənişlərin 90 faizinin qeydə alındığı hissə fərdi şəxsi hesabın sığorta hissəsi, könüllü sosial sığorta haqlarının və onların dövriyyəsindən əldə edilən gəlirlərin toplandığı hissə fərdi şəxsi hesabın yığım hissəsidir.

Fərdi şəxsi hesabın sığorta hissəsində ödənilmiş məcburi dövlət sosial sığorta haqlarının hesabına formalaşan pensiya kapitalından yalnız əmək pensiyasının sığorta hissəsinin hesablanması zamanı istifadə olunur.

Sığorta ödənişlərinin digər məqsədlər üçün istifadə olunması qanunvericilikdə nəzərdə tutulmamışdır. Sığortaolunanın fərdi şəxsi hesabında olan məlumatlar Dövlət Sosial Müdafiə Fondu tərəfindən mərkəzləşdirilmiş qaydada saxlanılır.