Beynəlxalq Sosial Təminat Assosiasiyası və Beynəlxalq Əmək Təşkilatının birgə təşkilatçılığı ilə “Dünyada məcburi dövlət sosial sığorta haqlarının (MDSS) subsidiyası – işlək və zəruri biliklərin əldə edilməsi” mövzusunda beynəlxalq vebinar keçirilib.
DSMF əməkdaşlarının da iştirak etdiyi vebinarda MDSS haqları subsidiyaları, əlavə dəstək və fərqli kontekstlərdə əlaqəli proqramlara olan ehtiyacları şərtləndirən əsas çağırışlar, müxtəlif ölkələrdə MDSS haqları subsidiyalarının və əlaqəli proqramların əsas dizayn xüsusiyyətləri və aşağıgəlirli MDSS ödəyicilərinin müxtəlif seqmentlər üzrə ehtiyaclarını ödəmə üsulları ətrafında fikir mübadiləsi aparılıb. Eləcə də hökumətlər və sosial təminat qurumlarının effektivliyə nəzarət məqsədilə həyata keçirdiyi tədbirlər müzakirə olunub.
