Şəxsin əlilliyə görə əmək pensiyasının məbləği 2006-cı ilin 1 yanvar tarixinədək olan dövr üçün onun sığorta stajına əsasən formalaşan kapitalı ilə 2006-cı ilin 1 yanvar tarixindən sonrakı dövr üçün fərdi hesabının sığorta hissəsində toplanan sığorta kapitalının cəminin onun əlilliyinin müəyyən edildiyi tarixdəki yaşına uyğun müəyyən edilən əmsala bölünməsi ilə müəyyən edilir. (Cədvəl 3)

Məsələn, 01.06.1980-ci il təvəllüdlü şəxsin orqanizmin funsiyalarının 45 faiz pozulması ilə əlaqədar 01.05.2023-cü il tarixində əlilliyi müəyyən edilib. Onun əlilliyinin müəyyən edildiyi tarixdəki yaşına (42 yaş) uyğun olaraq, əlilliyə görə əmək pensiyası təyin edilməsi üçün 9 il iş stajı (cədvəl 1) və 21772,80 manat (cədvəl 2) pensiya kapitalı tələb olunur. Şəxsin 01.01.2006-cı il tarixinədək 6 il iş stajı və 01.01.2006-cı il tarixindən 01.05.2023-cü il tarixinədək 17 il 4 ay sığorta stajına uyğun olaraq fərdi hesabının sığorta hissəsində 31800 manat pensiya kapitalı qeydə alınıb. Bu halda vətəndaşın 2006-cı il 1 yanvar tarixinədək 6 il iş stajına müvafiq hesablanan (hər il üçün 306 manat) və 01.01.2023-cü ilədək indeksləşdirilmiş 5556,88 manatla fərdi hesabının sığorta hissəsində 2006-cı il 1 yanvar tarixindən 01.05.2023-cü il tarixinədək toplanmış 31800 manat pensiya kapitalının cəminin (37356,88 manat) 77,76-a (cədvəl 3) bölünməsi ona 2023-cü ilin 1 may  tarixindən 480,41 manat məbləğində əlilliyə görə əmək pensiyası təyin edilir. (Cədvəl 1,2,3)