Bizim Dövlətimizin siyasəti - iqtisadiyyatı inkişaf etdirməklə yanaşı, birinci növbədə sosial problemləri həll etməkdən ibarətdir.
                                      Heydər Əliyev
14 Феврал 2016Воскресенье
НОВОСТНАЯ ЛЕНТАЯ


Adınız* :
E-mail* :
Sual* :
Təhlükəsizlik kodunu daxil edin*:


2015-04-22 21:15:18 Tural Hacıyev :
Salam. Mənim yaxın qohumum, Bakı şəhəri Sabunçu rayonu Balaxanı qəsəbəsi sakini, 1931-ci il təvəllüdlü Əliyev Nəsibağa Familəli oğlu 05 sentyabr 2010-cu ildə rəhmətə getmişdir. Onun həyat yoldaşı, Bakı şəhəri Sabunçu rayonu Balaxanı qəsəbəsi sakini Əliyeva Şahsənəm Əmirqulu qızı öz pensiyasından imtina edib, rəhmətə getmiş əri Əliyev Nəsibağa Familəli oğlunun pensiyasını öz adına keçirmək istəyir. Bu proses hansı ardıcıllıqla aparılmalıdır? Haralara müraciət edilməlidir? Və hansı sənədlər lazımdır?


“Əmək pensiyaları haqqında” Azərbaycan Respublikası Qanununun 14.1.2-ci maddəsinə əsasən qadınların bu Qanunun 7-ci maddəsi ilə müəyyən edilmiş pensiya yaşına çatdıqda, yaxud I və ya II qrup əlil olduqda ailə başçısını itirməyə görə əmək pensiyası hüququ yaranır. 1 yanvar 2015-ci il tarixdən qadınların pensiya yaş həddi 60 yaş müəyyən edilmişdir. Bildiririk ki, əmək pensiyası təminatına dair normativ hüquqi aktlara əsasən əmək pensiyasının bir növündən başqa növünə keçirilməsi zamanı sığortaolunan üzrə müəyyən edilmiş əmək pensiyasının sığorta hissəsi dəyişməz qalır. Eyni zamanda əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-04-22 11:19:47 Akif :
Mənim iyul ayında 63 yaşım tamam olacaq. Məcburi köçkünəm. 1992-ci ildən Ağdam rayonu işğal olunanadək işləmişəm. Mənə penisyaya çıxmaq üçün hansı sənədlər lazımdır?


Bildiririk ki, əmək pensiyası təminatına dair normativ hüquqi aktlara əsasən yaşa görə əmək pensiyası təyin edilməsi üçün tələb edilən sənədlər aşağıdakılardır: Müraciət edən şəxsin yaşını təsdiq edən sənəd (şəxsiyyət vəsiqəsi), ümumi iş (sosial sığorta) stajını təsdiq edən sənədlər (əmək kitabçası), sığorta şəhadətnaməsi, həmçinin Qanunun 19-cu maddəsinə əsasən əmək pensiyasının baza hissəsinə əlavə hesablanmasına hüququnu təsdiq edən sənədlər və s. Bütün sənədlərin kserosurəti natorial qaydada təsdiq olunmuş olsun. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-04-21 19:05:30 Gülnar :
Salam. Nənə rəhmətə getdikdən sonra, nəvə nənənin pensiyasını ala bilər?


Bildiririk ki, “Əmək pensiyaları haqqında” Azərbaycan Respublikası Qanununun 14-cü maddəsinə əsasən vəfat etmiş və ya həlak olmuş şəxslərin 18 yaşına çatmamış, 18 yaşına çatanadək sağlamlıq imkanlarının məhdudluğu müəyyən olunmuş 18 yaşından yuxarı əlil və təhsil müəssisələrinin əyani şöbəsində təhsil alan 23 yaşınadək övladlarının, həmçinin yaşından və əmək qabiliyyətindən asılı olmayaraq valideynlərdən biri və ya ər (arvad), yaxud baba, nənə, qardaş, bacı vəfat etmiş və ya həlak olmuş ailə başçısının 8 yaşına çatmamış uşaqlarına, qardaşlarına, bacılarına, nəvələrinə baxırsa və işləmirsə onların ailə başçısını itirməyə görə əmək pensiyası hüququ vardır.

2015-04-21 16:44:09 Arzuman :
Salam. 1958-ci il təvəllüdəm. 35 il iş stajım var. Ailə qurmamışam, qadınam. Pensiyaya çıxa bilərəm?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-21 12:39:32 Saimat :
Salam. Mənin anamın 53 yaşı var. 9-10 il əmək stajı var. Evdə 3 əlilə baxır. Artıq gözləri də zəif görür. Bu halda mənim anam pensiya ala bilərmi?


“Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır. Bildiririk ki, əmək pensiyası təminatına dair normativ hüquqi aktlara əsasən I qrup əlilə, sağlamlıq imkanları məhdud 18 yaşınadək uşağa və ya 70 yaşına çatmış qocalara qulluq müddəti ümumi iş (sosial sığorta) stajına onların üzərində qanunvericiliklə müəyyən edilmiş qaydada təyin edilmiş qəyyumların (himayəçilərinin) qulluq etməsi barədə tərtib olunmuş müayinə aktı əsasında yalnız şəxs sığortaolunan (xeyrinə sığorta fəaliyyəti həyata keçirilən şəxs) olduqda daxil edilir. Eyni zamanda bildiririk ki, əlilliyə görə əmək pensiyaları Azərbaycan Respublikası Əmək və Əhalinin Sosial Müdafiə Nazirliyinin Tibbi sosial ekspert komissiyası tərəfindən müəyyən olunmuş əlillik qrupu və “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası təyin olunması üçün tələb olunan sığorta stajına əsasən təyin edilir.

2015-04-20 11:47:13 Rəhimova Pərvanə :
Salam. Mən 2003-cü ildən 2014-cü ilə qədər bir xəstəxanada Radioloji şöbədə Rentgen texnik vəzifəsində çalışmışam. Hal-hazırda da başqa bir xəstəxanada R -texnik işləyirəm. Pensiyaya çıxmaq üçün hansı sənədləri gətirməliyəm?


Əmək pensiyası təminatına dair normativ hüquqi aktlara əsasən yaşa görə pensiya təyin edilməsi üçün tələb edilən sənədlər aşağıdakılardır: Müraciət edən şəxsin yaşını təsdiq edən sənəd (şəxsiyyət vəsiqəsi), ümumi iş (sosial sığorta) stajını təsdiq edən sənədlər (əmək kitabçası), sığorta şəhadətnaməsi, həmçinin ərizəçinin Qanunun 19-cu maddəsinə əsasən əmək pensiyasının baza hissəsinə əlavə hesablanmasına hüququnu təsdiq edən sənədlər və.s. Bütün sənədlərin kserosurəti natorial qaydada təsdiq olunmuş olsun. Eyni zamanda nəzərinizə çatdırırıq ki, əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

2015-04-20 00:53:31 Təvəkkül :
41 il ümumi əmək stajım var. Dövlət qulluğunda işləməmişəm. Qocalığa görə pensiyaya çışmışam 2006-cı ildən. Hal-hazırda işləyirəm, orta aylıq əmək haqqım 400 manatdır. Mənə pensiya təyin olunub 200 manat. Düzgündürmü? 22 yanvar 2015-ci ildən pensiya təyin olunub.


Bildiririk ki, “Əmək pensiyaları haqqında” Azərbaycan Respublikası Qanununa əsasən əmək pensiyalarının məbləği 1 yanvar 2006-cı il tarixədək olan dövr üçün şəxslərin sığorta stajına, 1 yanvar 2006-cı il tarixdən sonrakı dövr üçün isə fərdi hesabın sığorta hissəsində toplanan sığorta kapitalına uyğun olaraq müəyyənləşdirilir. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-04-18 20:55:49 İlahe :
Mənim bibim 1955-ci ildəndir. Mayın 1-i 60 yaşı tamam olur. Bibim qocalığa görə pensiyaya çıxa bilər? Çıxa bilərsə ona staj lazımdı, yoxsa yox?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-18 13:27:08 Nurane Aslanova :
Salam. Qaynatam 11 ildir rəhmətə gedib. 35 il stajı olub, qaynanamın da 59 yaşı var. 3 il stajı var. Qaynatama görə qaynanam pensiya ala bilər? Hal-hazırda evdar qadındır.


Bildiririk ki, “Əmək pensiyaları haqqında” Azərbaycan Respublikası Qanununun 14.1.2-ci maddəsinə əsasən qadınların bu Qanunun 7-ci maddəsi ilə müəyyən edilmiş pensiya yaşına çatdıqda, yaxud I və ya II qrup əlil olduqda ailə başçısını itirməyə görə əmək pensiyası hüququ yaranır. 1 yanvar 2015-ci il tarixdən qadınların pensiya yaş həddi 60 yaş müəyyən edilmişdir.

2015-04-17 16:26:37 Teyyub :
Mən 1953-cü il təvəllüdlüyəm. 1969-cu ildən instituta daxil olmuşam. 1973-cü ildə bitirib, əmək faliyətinə başlamışam. Hal-hazırda Memarlıq və İnşaat unversitetində böyük elmi işçi işləyirəm. 2016-cı ildə pensiyaya çıxacağam. Nə qədər pensiya ala bilərəm?


Bildiririk ki, vətəndaşlara əmək pensiyası təyin edilərkən pensiyanın sığorta hissəsinin məbləğinin hesablanması iki mərhələdə həyata keçirilir. Birinci mərhələdə onların “Əmək pensiyaları haqqında” Azərbaycan Respublikası Qanununun qüvvəyə mindiyi 1 yanvar 2006-cı il tarixədək qazanmış olduqları əmək pensiyası hüquqları həmin Qanunun 27-ci maddəsinə əsasən bu dövrə aid olan ümumi iş stajına, ikinci mərhələdə isə 1 yanvar 2006-cı il tarixdən sonra sığortaolunanların gəlirlərindən ödənilmiş məcburi dövlət sosial sığorta haqlarına əsasən müəyyənləşdirilir. Hesablanmış sığorta hissəsi müvafiq icra hakimiyyəti orqanı tərəfindən müəyyənləşdirilmiş pensiyanın baza hissəsi ilə cəmlənməklə pensiyanın ümumi məbləği alınır. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

« | ... 12 | 13 | 14 | 15 | 16 | 17 | 18 | 19 | 20 | 21 | 22 ... | »

Назад | Наверх

Abunə ol!

Elektron poçt ünvanınızı daxil edib istəyinizi təsdiqləyin

Fondun qəbulu

Контакная информация

АДРЕС ФОНДА:

AZ 1122Баку, проспект Г. Зярдаби, 80
TELEFON: (+994 12) 434 60 18
ФАКС:(+994 12) 434 55 87

Вопросы можете отправить на почту:
info@sspf.gov.az
Прием граждан
График приема
Схема проезда

3169
138576
10955321