29 April 2016Friday
NEWS FEED


Adınız* :
E-mail* :
Sual* :
Təhlükəsizlik kodunu daxil edin*:


2015-04-20 11:47:13 Rəhimova Pərvanə :
Salam. Mən 2003-cü ildən 2014-cü ilə qədər bir xəstəxanada Radioloji şöbədə Rentgen texnik vəzifəsində çalışmışam. Hal-hazırda da başqa bir xəstəxanada R -texnik işləyirəm. Pensiyaya çıxmaq üçün hansı sənədləri gətirməliyəm?


Əmək pensiyası təminatına dair normativ hüquqi aktlara əsasən yaşa görə pensiya təyin edilməsi üçün tələb edilən sənədlər aşağıdakılardır: Müraciət edən şəxsin yaşını təsdiq edən sənəd (şəxsiyyət vəsiqəsi), ümumi iş (sosial sığorta) stajını təsdiq edən sənədlər (əmək kitabçası), sığorta şəhadətnaməsi, həmçinin ərizəçinin Qanunun 19-cu maddəsinə əsasən əmək pensiyasının baza hissəsinə əlavə hesablanmasına hüququnu təsdiq edən sənədlər və.s. Bütün sənədlərin kserosurəti natorial qaydada təsdiq olunmuş olsun. Eyni zamanda nəzərinizə çatdırırıq ki, əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

2015-04-20 00:53:31 Təvəkkül :
41 il ümumi əmək stajım var. Dövlət qulluğunda işləməmişəm. Qocalığa görə pensiyaya çışmışam 2006-cı ildən. Hal-hazırda işləyirəm, orta aylıq əmək haqqım 400 manatdır. Mənə pensiya təyin olunub 200 manat. Düzgündürmü? 22 yanvar 2015-ci ildən pensiya təyin olunub.


Bildiririk ki, “Əmək pensiyaları haqqında” Azərbaycan Respublikası Qanununa əsasən əmək pensiyalarının məbləği 1 yanvar 2006-cı il tarixədək olan dövr üçün şəxslərin sığorta stajına, 1 yanvar 2006-cı il tarixdən sonrakı dövr üçün isə fərdi hesabın sığorta hissəsində toplanan sığorta kapitalına uyğun olaraq müəyyənləşdirilir. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-04-18 20:55:49 İlahe :
Mənim bibim 1955-ci ildəndir. Mayın 1-i 60 yaşı tamam olur. Bibim qocalığa görə pensiyaya çıxa bilər? Çıxa bilərsə ona staj lazımdı, yoxsa yox?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-18 13:27:08 Nurane Aslanova :
Salam. Qaynatam 11 ildir rəhmətə gedib. 35 il stajı olub, qaynanamın da 59 yaşı var. 3 il stajı var. Qaynatama görə qaynanam pensiya ala bilər? Hal-hazırda evdar qadındır.


Bildiririk ki, “Əmək pensiyaları haqqında” Azərbaycan Respublikası Qanununun 14.1.2-ci maddəsinə əsasən qadınların bu Qanunun 7-ci maddəsi ilə müəyyən edilmiş pensiya yaşına çatdıqda, yaxud I və ya II qrup əlil olduqda ailə başçısını itirməyə görə əmək pensiyası hüququ yaranır. 1 yanvar 2015-ci il tarixdən qadınların pensiya yaş həddi 60 yaş müəyyən edilmişdir.

2015-04-17 16:26:37 Teyyub :
Mən 1953-cü il təvəllüdlüyəm. 1969-cu ildən instituta daxil olmuşam. 1973-cü ildə bitirib, əmək faliyətinə başlamışam. Hal-hazırda Memarlıq və İnşaat unversitetində böyük elmi işçi işləyirəm. 2016-cı ildə pensiyaya çıxacağam. Nə qədər pensiya ala bilərəm?


Bildiririk ki, vətəndaşlara əmək pensiyası təyin edilərkən pensiyanın sığorta hissəsinin məbləğinin hesablanması iki mərhələdə həyata keçirilir. Birinci mərhələdə onların “Əmək pensiyaları haqqında” Azərbaycan Respublikası Qanununun qüvvəyə mindiyi 1 yanvar 2006-cı il tarixədək qazanmış olduqları əmək pensiyası hüquqları həmin Qanunun 27-ci maddəsinə əsasən bu dövrə aid olan ümumi iş stajına, ikinci mərhələdə isə 1 yanvar 2006-cı il tarixdən sonra sığortaolunanların gəlirlərindən ödənilmiş məcburi dövlət sosial sığorta haqlarına əsasən müəyyənləşdirilir. Hesablanmış sığorta hissəsi müvafiq icra hakimiyyəti orqanı tərəfindən müəyyənləşdirilmiş pensiyanın baza hissəsi ilə cəmlənməklə pensiyanın ümumi məbləği alınır. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

2015-04-15 19:14:49 Zahid :
Mənim atam 21 il pilot (təyyarəçi) işləyib, pensiyaya çıxmasına az qalıb. Onun pensiyası nə qədər olmalıdır?


Bildiririk ki, vətəndaşlara əmək pensiyası təyin edilərkən pensiyanın sığorta hissəsinin məbləğinin hesablanması iki mərhələdə həyata keçirilir. Birinci mərhələdə onların “Əmək pensiyaları haqqında” Azərbaycan Respublikası Qanununun qüvvəyə mindiyi 1 yanvar 2006-cı il tarixədək qazanmış olduqları əmək pensiyası hüquqları həmin Qanunun 27-ci maddəsinə əsasən bu dövrə aid olan ümumi iş stajına, ikinci mərhələdə isə 1 yanvar 2006-cı il tarixdən sonra sığortaolunanların gəlirlərindən ödənilmiş məcburi dövlət sosial sığorta haqlarına əsasən müəyyənləşdirilir. Hesablanmış sığorta hissəsi müvafiq icra hakimiyyəti orqanı tərəfindən müəyyənləşdirilmiş pensiyanın baza hissəsi ilə cəmlənməklə pensiyanın ümumi məbləği alınır.

2015-04-15 14:41:49 Piriverdiyeva Solmaz :
Mənim 57 yaşım var. 14 il stajım, 2 uşağım var. Mən neçə yaşımda təqaüd ala biləcəm?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-15 10:47:30 Ülkər :
Salam. Anam 1959-cu ildəndir. 30 ildir ki, anadangəlmə və uşaqlıqdan xəstə uşağa baxır. Anama xəstə uşağa baxdığı üçün pensiya düşür?


Bildiririk ki, “Əmək pensiyaları haqqında” Azərbaycan Respublikası Qanununun 8.2.-ci maddəsinə əsasən sağlamlıq imkanları məhdud uşağını səkkiz yaşınadək tərbiyə etmiş və azı 10 il sığorta stajı olan anaların bu Qanunun 7-ci maddəsinə uyğun olaraq müəyyən olunmuş yaş həddi 5 il azaldılmaqla yaşa görə əmək pensiyası hüququ vardır. Qeyd olunanlara əsasən qadınların pensiya yaş həddi 01.01.2015-ci il tarixdən 60 yaş müəyyən edilmişdir

2015-04-15 10:14:28 Ruslan :
Xalam Güllü 1958-cı il anadan olub. 30 illik əmək stajı var. Bilmək istəyirik ki, nə zaman pensiya ala biləcək?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-14 22:21:28 Fizuli :
Mənim anamın 61 yaşı var. Stajı 11 il. Ona staj hesablanmadan yaşına görə pensiya düşürmü?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

« | ... 14 | 15 | 16 | 17 | 18 | 19 | 20 | 21 | 22 | 23 | 24 ... | »

Back | Top

Subscribe!

Enter your e-mail and confirm your choice

Appointment setting

Contact us

Address of the Fund:

AZ 1122 Baki, H. Zardabi avenue, 80
PHONE: (+994 12) 434 60 18
FAX:(+994 12) 434 55 87

Questions to be addressed to the following e-mail:
info@sspf.gov.az

8030
327937
11741561