29 Aprel 2016Cümə
XƏBƏR LENTİ

Əmək pensiyaları


Adınız* :
E-mail* :
Sual* :
Təhlükəsizlik kodunu daxil edin*:


2015-05-03 15:13:01 Malik soruşur:
Məni 20.04.2015-ci ildə 57 yaşım tamam oldu. Mənim 37 il stajım var. Mən zərərliyə görə pensiyaya çıxmışam. Yaşadığım Lerik DSMF-dan mənə dedilər ki, siz 150 AZN pensiya alacaqsınız.Mən elektrik mexanik işləyirəm 37 ildir.Mənimlə işləyən xadimə 220 AZN alır amma mənə niyə 150 AZN şamil olunur? Sizdən xaiş edirəm bunu araşdırardınız .

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununa əsasən əmək pensiyalarının məbləği 1 yanvar 2006-cı il tarixədək olan dövr üçün şəxslərin sığorta stajına, 1 yanvar 2006-cı il tarixdən sonrakı dövr üçün isə fərdi hesabın sığorta hissəsində toplanan sığorta kapitalına uyğun olaraq müəyyənləşdirilir. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

2015-05-02 17:02:37 Samir soruşur:
Salam. Mənim atam, yaşa görə 29 il iş stajı ilə pensiyaya çıxdı. Ona 162 manat pensiya kəsiblər.Bu nə dərəcədə düzgündür? Halbuki, 17 il stajla 155 manat alan qohumumuz var.

Hörmətli istifadəçi!
Bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı atanızın müvafiq sənədlərlə qeydiyyatda olduğu ərazi üzrə Fondun yerli orqanına müraciət etməsi xahiş olunur.

2015-05-02 13:27:22 Emin soruşur:
Salam. Mənim atamın 59 yaşı var 18-il hərbidə staji var SSSR vaxtında Almaniyada təyinatla neft daşlarında 5 il stajı var. Hal-hazırda işləmir. Təqaüd ala bilər?

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununun 9.5.1-ci maddəsinə əsasən hərbi xidmətdən buraxılanadək 20 təqvim ili və daha çox hərbi xidmət etmiş hərbi qulluqçuların hərbi qulluqçu kimi yaşa görə əmək pensiyası hüququ vardır. Eyni zamanda bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 63 yaşına çatmış kişilərin azı 12 il sığorta stajı olduqda yaşa görə əmək pensiyası hüququ vardır.

2015-05-01 19:53:17 Vasif soruşur:
Salam. Hec stajı olmayan qadına neçə yaşında və nə qədər pensiya düşür?

Hörmətli istifadəçi!
Müraciətinizdə qeyd etdiyiniz məsələ ilə bağlı Azərbaycan Respublikasının Əmək və Əhalinin Sosial Müdafiəsi Nazirliyinə müraciət etməyiniz məqsədə müvafiqdir.

2015-04-30 20:26:17 Əli soruşur:
Salam. Mənim atam ARDNŞ-də çalışır (35 ildi). Bu ilin noyabr ayında təqaüd yaşına çatır və işdən azad olunacaq. İşdən azad olunanda əmək haqqının 5 misli ödəniləcəkmi?

Hörmətli istifadəçi!
Müraciətinizdə qeyd etdiyiniz məsələ Dövlət Sosial Müdafiə Fondunun səlahiyyətlərinə aid deyildir.

2015-04-30 16:52:39 Umud soruşur:
Mənim anamın 45 yaşı var. İş görməsi məhduddur. İş stajı yoxdur. Ona pensiyaya çıxmaq olar?

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-30 12:12:14 Elman soruşur:
Qadınlar üçün pensiya məbləği nə qədərdir və nə qədər staj lazımdır?

Hörmətli istifadəçi!
“Əmək pensiyaları haqqında” Azərbaycan Respublikası Qanununa əsasən əmək pensiyalarının məbləği 1 yanvar 2006-cı il tarixədək olan dövr üçün şəxslərin sığorta stajına, 1 yanvar 2006-cı il tarixdən sonrakı dövr üçün isə fərdi hesabın sığorta hissəsində toplanan sığorta kapitalına uyğun olaraq müəyyənləşdirilir. Eyni zamanda bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-04-29 13:38:27 Zaur soruşur:
Salam. 2-ci qrup əlil kimi 130 manat pensiya alan şəxsin adına vöen açılarsa, bu onun pensiyasına necə təsir edər?

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununun 37.3.2-ci maddəsinə əsasən işləyən əmək pensiyaçılarına əlilliyə görə əmək pensiyası himayədə olanlara görə verilən əlavə nəzərə alınmadan yalnız baza hissəsindən ibarət olmaqla ödənilir.

2015-04-28 13:36:42 Elçin soruşur:
Mənim anamın 54 yaşı var. 20 ildən də artıq stajı var. 2 uşağı var. Hal-hazırda heç yerdə işləmir. Atam rəhmətə gedib. Atamın pensiyası anama keçə bilər?

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununun 14.1.2-ci maddəsinə əsasən qadınların bu Qanunun 7-ci maddəsi ilə müəyyən edilmiş pensiya yaşına çatdıqda, yaxud I və ya II qrup əlil olduqda ailə başçısını itirməyə görə əmək pensiyası hüququ yaranır. 1 yanvar 2015-ci il tarixdən qadınların pensiya yaş həddi 60 yaş müəyyən edilmişdir. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir.

2015-04-27 16:04:22 Ruslan soruşur:
Salam. Mənim 35 yaşım var. 13 illik iş stajım var. Hal-hazırda da bir şirkətdə işləyirəm. 2010-cu ildə bildim ki, hepatit C xəstəsiyəm. Həmin vaxtdan da müalicə olunuram. Lakin bu günə kimi müalicə olunub sağala bilməmişəm. Səbəb virusun 1B genotip olması və müalicəyə tabe olmamasıdır. Bilmək istərdim, mənə 2-ci qrup əlillik düşürmü və düşərsə alacağım pensiya məbləği nə qədər olacaq? Pensiyaya çıxmağım mənim əmək fəaliyyəti ilə məşğul olmama mane olacaqmı?

Hörmətli istifadəçi!
Bildiririk ki, əlilliyə görə əmək pensiyaları Azərbaycan Respublikası Əmək və Əhalinin Sosial Müdafiə Nazirliyinin Tibbi Sosial Ekspert Komissiyası tərəfindən müəyyən olunmuş əlillik qrupu və “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası əlil və ya sağlamlıq imkanları məhdud sığortaolunana ümumilikdə sığorta stajı 5 ildən az olmamaq şərtilə əmək qabiliyyətli yaş dövrünün hər tam ili üçün 4 ay sığorta stajı olduqda təyin edilir. Eyni zamanda bildiririk ki, “Əmək pensiyaları haqqında” Azərbaycan Respublikası Qanununun 37.3.2-ci maddəsinə əsasən işləyən əmək pensiyaçılarına əlilliyə görə əmək pensiyası himayədə olanlara görə verilən əlavə nəzərə alınmadan yalnız baza hissəsindən ibarət olmaqla ödənilir.

« | ... 12 | 13 | 14 | 15 | 16 | 17 | 18 | 19 | 20 | 21 | 22 ... | »

Geri | Yuxarı

Abunə ol!

Elektron poçt ünvanınızı daxil edib istəyinizi təsdiqləyin

Fondun qəbulu

Əlaqə məlumatı

FONDUN ÜNVANI:

AZ 1122 BAKI şəhəri, H. Zərdabi prospekti, 80
TELEFON: (+994 12) 434 60 18
FAKS:(+994 12) 434 55 87

Suallarınızı aşağıdakı poçt ünvanına yaza bilərsiniz:
info@sspf.gov.az

6930
326837
11740461